AN TÉARNAMH A CHOINNEÁIL AG IMEACHT

Tá postanna mar chuid lárnach d’obair Fhine Gael sa Rialtas. Cruthaíodh os cionn 135,000 post breise ó cuireadh tús leis an bPlean Gnímh do Phoist in 2012, an chuid is mó díobh sin taobh amuigh de Bhaile Átha Cliath agus iad scaipthe ar fud na tíre.  Tá sé mar aidhm ag an bplean nua cur leis sin trí 200,000 post breise a chruthú thar na cúig bliana amach romhainn. Áirítear air sin 70,000 duine dár dteaghlaigh agus dár gcairde a bheidh ag filleadh abhaile le dul ag obair.